Беларуса, якога выключылі з БДЭУ за відэа, цяпер забіраюць у войска

Беларус Кірыл, якога выключылі з Беларускага дзяржаўнага эканамічнага ўніверсітэта, распавёў пра новыя дэталі сваёй гісторыі. Па словах хлопца, цяпер яго прызываюць у войска.

Чытайце таксама: Студэнта з БДЭУ вырашылі не аднаўляць ва ўніверсітэце. Раней яго выключылі за відэа ў TikTok

Гісторыя, пра якую напісала BGmedia ў кастрычніку 2025, пачалася з таго, як Кірылу, студэнта чацвёртага курса, адлічылі з універсітэта. Прычынай на тое стала відэа, апублікаванае хлопцам у TikTok. На ім адбывалася ўрачыстая лінейка, дзе студэнт разам з двума дзяўчатамі стаялі пад дзяржаўны гімн Беларусі. На роліку адна дзяўчына спявала словы гімна, пакуль сам Кірыл разам з іншай гераіняй відэа проста варушыліся падчас музыкі.

Кірыл сцвярджае, што відэа трапіла да Міністэрства адукацыі, дзе яго расцанілі як «непавагу да дзяржаўных сімвалаў», бо ўдзельнікі стаялі спіной да сцяга. Пры гэтым у студэнта ўжо былі акадэмічныя запазычанасці і адно непагашанае спагнанне. Відэа, паводле яго версіі, стала фармальнай падставай для другой вымовы, пасля якой ідзе адлічэнне.

У афіцыйным загадзе ўніверсітэта паведамлялася, што студэнт быў выключаны за парушэнне правілаў унутранага распарадку. Таксама адзначалася, што яго дзеянні могуць утрымліваць прыкметы адміністрацыйнага або крымінальнага правапарушэння. Камісія ўлічыла і папярэднія дысцыплінарныя спагнанні.

У сетцы кожны ваш клік пакідае след, які могуць выкарыстаць супраць вас. Не дазваляйце нікому ператвараць вашыя інтарэсы ў крымінальныя справы. Уключайце BGlobal VPN — заставайцеся нябачнымі для старонніх вачэй.

Спасылка на падключэнне BGlobal VPN — тут

Бясконцыя спробы аспрэчыць рашэнне

Пасля таго, як Кірылу адлічылі з БДЭУ, той меў намер аспрэчыць рашэнне БДЭУ ў розных інстанцыях з дапамогай адвакаткі: ад Міністэрства адукацыі да пракуратуры РБ. Аднак пакуль ніводная скарга былога студэнта не была задаволеная.

У сваім Telegram-канале ён распавёў, што ўсё скончылася «фармальнымі адпіскамі»: У Мінадукацыі паведамілі, што «парушэнняў дзеючага заканадаўства з боку БДЭУ не было выяўлена».

Паводле Кірыла, у самім універсітэце яму таксама не далі канкрэтных тлумачэнняў: адказы паўтараліся і выглядалі «нібыта напісанымі пад капірку». Ён адзначае, што адчувае сум, бо страціў тры гады навучання і так і не змог скончыць універсітэт.

У сярэдзіне снежня 2025 хлопец прыехаў у Мінск, каб сустрэцца з адвакаткай і абмеркаваць далейшыя крокі. Пасля гэтага ён вярнуўся ў родны горад Гомель, дзе атрымаў чарговы адказ з пракуратуры — з адмовай у задавальненні скаргі. Паводле ягоных слоў, яго звароты некалькі разоў перанакіроўвалі паміж ведамствамі, але з аднолькавым вынікам — аднавіцца былы студэнт так і не змог.

Працяг гісторыі: прызыў у войска

1 траўня стала вядома пра падрабязнасці гучнай справы. У сваім Telegram-канале Кірыла распавёў, што яго забіраюць у войска.

Ён нагадаў, што падчас мінулага прызыву, калі хлопца толькі выключылі з універсітэта, яго не забралі ў войска праз перапоўнены набор. Тады яму адразу ўручылі позву ўжо на сакавік 2026 года. Час, паводле ягоных слоў, праляцеў хутка, і 23 сакавіка ён з’явіўся ў ваенкамаце, але забыўся ўзяць неабходныя дакументы — аналізы, ЭКГ ды іншыя даведкі.

Спачатку хлопца накіравалі ў актавую залу, пасля выклікалі да кабінета, а затым адправілі на другі паверх. Там, як ён сцвярджае, супрацоўніца ваенкамата пачала папракаць яго за адсутнасць медыцынскіх папер і ў выніку проста выдала позву на адпраўку: кантрольная яўка прызначаная на 5 траўня, а ўжо 6 траўня яго маюць забраць у войска.

У сваім канале хлопец таксама паабяцаў пазней паведаміць, у якую менавіта вайсковую частку яго накіроўваюць, аднак іншых падрабязнасцяў пакуль няма.

Чытайце таксама: Студэнт БДЭУ, адлічаны за відэа ў TikTok, збіраецца падаваць скаргу ў суд