Жыхары Баранавічаў скардзяцца на працу грамадскага транспарту

Жанчына, якая пераехала ў Баранавічы, падзялілася сваімі ўражаннямі пра жыццё ў горадзе. Яна адзначыла некалькі рэчаў, да якіх цяжка прызвычаіцца, але асабліва яна абурана грамадскім транспартам.

Чытайце таксама: На адной з вуліц Баранавічаў паклалі асфальт. Ягоная якасць здзівіла жыхароў

«Прайшоў ужо год, як я вярталася ў Баранавічы з Мінска, дзе пражыла трынаццаць гадоў. І ёсць рэчы, да якіх я дагэтуль не магу прызвычаіцца. Тыя, хто даўно жыве ў Баранавічах, напэўна мяне не зразумее, але мінчане мне паспачуваюць. Першая рэч — гэта транспарт. Ніяк не магу прызвычацца, што тут мала транспарта едзе ў адзін бок, і едзе вельмі рэдка. Калі не паспяваеш на адным прыпынку на аўтобус, то патрапіць дадому ці ў якое-небудзь іншае месца вельмі складана», — дзеліцца яна.

@daryadabrydnevaПодписывайся 😉♬ оригинальный звук — Дарья Добрыднева

Што кажуць мясцовыя

Большасць карыстальнікаў падтрымала аўтарку відэа, адзначаючы, што графік руху і малая колькасць транспарту сапраўды ўскладняюць жыццё:

• «Па грамадскім транспарце ў Баранавічах можна вымяраць гадзіны».
• «Так, разумею. Я сама пераехала з Мінска ў Баранавічы. Гэта вельмі цяжка».
• «Ты маеш рацыю!».

Іншыя каментатары лічаць, што розніца паміж працай транспарту ў Мінску і Баранавічах зразумелая і натуральная:

• «Зразумела, што ў Мінску лепшае транспартнае забеспячэнне, прынамсі таму, што гэта сталіца».
• «Так ва ўсіх гарадах, акрамя абласных цэнтраў. Праблему знайшлі».

Некаторыя наогул параілі альтэрнатыву грамадскаму транспарту: «У Баранавічах лепш ездзіць на таксі, горад невялікі, паездка 7–8 рублёў, нядорага», — сцвярджаюць жыхары Баранавіч.

Сітуацыя з маршруткамі

Нядаўна Аляксандр Лукашэнка ў сваім выступе закрануў тэму маршрутак, прапаноўваючы іх скасаваць і развіваць толькі аўтобусны рух.

Гэтая заява выглядае асабліва супярэчліва на фоне ўжо існуючых праблем з грамадскім транспартам у невялікіх гарадах, такіх як Баранавічы, дзе аўтобусы могуць хадзіць нячаста, а маршруткі часта з’яўляюцца адзінай магчымасцю своечасова дабрацца да працы, школы ці крамы (асабліва, калі гаворка ідзе пра жыхароў раённых вёсак).

Такія словы выклікалі ў беларусаў бурную рэакцыю у сацсетках: многія адзначаюць, што ў рэгіёнах маршруткі — важны і неабходны транспарт, і іх адсутнасць істотна ўскладніла б жыццё жыхароў.

Нагадаем, што падобныя скаргі на грамадскі транспарт у Баранавічах узнікалі і раней. Жыхарам новых раёнаў, напрыклад, Паўночны-2, было складана дабрацца да паліклінікі, рынку або вакзала. Ім даводзілася даязджаць праз перасадкі. Некаторыя гараджане заўважылі, што маршруткі, што дапамагалі неяк вырашаць праблему, улады сталі «штучна выціскаць» дзеля аўтобусаў.

Чытайце таксама: В одном из частных секторов в Барановичах дорожники положили асфальт с «нюансом»