«Можа, вам пара на пенсію?»: беларуска абвінавачвае кіраўніцтва крамы «Родны кут» у закрыцці адзінай крамы

Жыхарка адной з малых вёсак Беларусі эмацыйна выказалася пра працу сеткі крамаў «Родны кут», абвінаваціўшы кіраўніцтва ў абыякавасці да супрацоўнікаў і жыхароў сельскай мясцовасці. Паводле яе слоў, вынікам такой палітыкі стала закрыццё адзінай сеткавай крамы, што працавала на некалькі вёсак.

Чытайце таксама: У Жлобіне зачыняюцца адразу тры буйныя харчовыя крамы: не ўсе жыхары вераць абяцанням уладаў

«Гэта не тое, што шок. Гэта ўжо нейкае беззаконне, па-мойму. Хочацца ў вас спытаць: можа, вам ужо пара на пенсію? Вы не засядзеліся ў сваіх крэслах, кіраўнікі?», — задаецца пытаннем жанчына.

Паводле яе слоў, магазін сеткі «Мой родны кут» працаваў у вёсцы Ярэмічы і абслугоўваў навакольныя населеныя пункты. Жанчына сцвярджае, што гаворка ідзе пра некалькі вёсак у Карэліцкім раёне: Малыя Жухавічы, Новае сяло, Пагарэлка, Вялікая Арбіна, Малая Арбіна, Даўгінава, Сіняўская слабада.

@tata61558♬ оригинальный звук — Tata🍀

Асаблівую ўвагу аўтарка роліка звяртае на ўмовы працы супрацоўнікаў. Паводле яе, у краме доўгі час працавала адна маладая дзяўчына, на якую ўсклалі адразу некалькі абавязкаў:

«Вось гэта маленькая, худзенькая дзяўчынка — я яе бачыла летам — яна ў нас і прадавец, і грузчык, і яшчэ і качагар. Гэта ўвогуле як? Як вы на гэтае дзіця, там 45 кілаграмаў вагі ў лепшым выпадку, звалілі тры абавязкі за зарплату аднаго?», — кажа яна.

Жанчына сцвярджае, што праз такую нагрузку супрацоўніца звольнілася, а магазін у выніку зачыніўся: «Учора мне кліент ужо кажа, што ён закрываецца. Пытаюся — чаму? Кажа: таму што больш няма каму працаваць».

Яна параўноўвае сітуацыю з іншай крамай «Ярэмінчанка», дзе, паводле яе слоў, гандаль арганізаваны інакш: «Чаму Ярэменчанка змагла арганізаваць некалькі працоўных месцаў? Чаму там некалькі прадаўцоў, якія працуюць па графіку?», — абураецца аўтарка роліка.

Жанчына лічыць, што праблема — не ў адсутнасці пакупнікоў, а ў падыходзе кіраўніцтва сеткі да эканоміі на людзях.

«Як вы адкрываецеся ў сельскай мясцовасці і выдзяляеце толькі адно працоўнае месца? І якую прыбытковасць вы хочаце атрымаць?», — пытаецца жанчына ў кіраўніцтва сеткавай крамы.

На момант публікацыі матэрыялу афіцыйных каментароў ад кіраўніцтва сеткі «Мой родны кут» няма.

Што адбываецца з крамамі РАЙПО ў рэгіёнах Беларусі

BGmedia неаднаразова звярталі ўвагу на сістэмную праблему — у малых гарадах, пасёлках і вёсках краіны паступова знікаюць крамы сістэмы РАЙПО, як прадуктовыя, так і прамысловыя. У выніку цэлыя населеныя пункты застаюцца без гандлёвых аб’ектаў першай неабходнасці.

Так, у вёсцы Ялізава Асіповіцкага раёна была зачыненая адзіная крама райпо, і мясцовым жыхарам цяпер даводзіцца дабірацца па пакупкі ў цэнтр пасёлка. Пры гэтым дадатковы аўтобусны маршрут для пераважна пажылых людзей быў арганізаваны толькі часова — на некалькі месяцаў, а пытанне адсутнасці крамы застаецца адкрытым.

Падобная сітуацыя назіраецца і ў аграгарадку Красналукі Чашніцкага раёна, дзе ў 2025 годзе спыніла працу адзіная прамысловая крама. Яна забяспечвала жыхароў непрадуктовымі таварамі першай неабходнасці, і пасля яе закрыцця доступ да такіх тавараў істотна ўскладніўся — найперш для людзей сталага ўзросту і тых, хто не мае ўласнага транспарту. Улады тлумачаць закрыццё нізкім тавараабаротам і нерэнтабельнасцю, прапаноўваючы часткова перанесці асартымент у прадуктовыя крамы. Аднак канкрэтныя тэрміны і механізмы такіх зменаў пакуль не агучаныя.

Чытайце таксама: Брэст расце, пакуль іншыя губляюць людзей: што вядома пра рост насельніцтва ў гарадах краіны?