«Колькі можна вывозіць свае вусатыя абавязкі ў вёску?». Беларуска звярнула ўвагу на праблему бяздомных жывёлаў

Беларуска з Брэстчыны апублікавала відэа ў TikTok, у якім расказала пра тое, як людзі з горада выкідваюць сваіх катоў у вёску Грушка Маларыцкага раёна. BGmedia дзеліцца яе гісторыяй.

Чытайце таксама: «Лишние коты»: как жительницу деревни в Беларуси оштрафовали за животных

Па словах жанчыны, практыка выкідвання катоў стала масавай — гараджане пакідаюць цяжарных котак і кацянят, спадзяючыся, што тыя там «прыжывуцца». Але на самай справе мясцовым жыхарам даводзіцца карміць і даглядаць чужых жывёлаў за свой кошт.

«Колькі можна вывозіць свае вусатыя абавязкі ў вёску?»

Блогерка звярнулася да жыхароў Брэста і вобласці:

«Паважаныя жыхары Брэста ці Брэсцкай вобласці… Колькі вы будзеце свае вусатыя абавязкі вывозіць у вёску Грушка Маларыцкага раёна? Вы проста нахабна пакідаеце там катоў — цяжарных, хворых. Калі вам не патрэбныя вашыя каты, адвязіце іх у прытулак. Людзі, якія жывуць там пастаянна, жывуць на пенсію, а вы з’язджаеце пасля шашлыкоў і пакідаеце жывёл. Мае бацькі ўжо ўтрымліваюць сем катоў, якіх вы падкінулі. Яны кормяць іх са сваёй пенсіі!»

Жанчына адзначыла, што пакінутыя каты пачалі душыць кральчанят, якія пасвяцца ў двары. «Колькі можна? У вас сумленне ёсць?» — пытаецца яна.
Па словах аўтаркі відэа, людзі, якія выкідаюць жывёл, проста перакідваюць сваю адказнасць на іншых.

@viktoria.s.life Те кто так делает, просто перекладывает свои обязанности на других людей. Перекладывание своих проблем на чужие плечи должно быть наказуемым, как угодно, пусть даже штрафом. Считаю, только для этого нужно вести учёт домашних животных. Может тогда , для того что бы завести домашнего питомца вы 100 раз задумаетесь , готовы ли вы нести ответственность за усатых и хвостатых ! #брошенный #кот #подлыелюди ♬ оригинальный звук — VikaZhdanova

Што сказалі ў каментарах?

Многія каментатары падтрымалі блогерку і адзначылі, што праблема сапраўды распаўсюджаная, не абмяжоўваецца адной вобласцю.

• «Прытулак?! Яны што, бязмежныя?! Стэрылізацыя і строгі кантроль! А яшчэ — канкрэтныя штрафы!».
• «Трэба ўжо штрафы даваць недабрасумленным гаспадарам».
• «У нас няма ў краіне сапраўдных прытулаў (не блытайце з адловамі, дзе жывёл знішчаюць). Котак трэба стэрылізаваць у абавязковым парадку!».
• «Нашыя людзі вельмі духоўныя: замест таго каб кастрыраваць або стэрылізаваць сваіх жывёл, яны падкідваюць іх у вёскі ці прыватны сектар».

Некаторыя падзяліліся ўласным досведам утрымання падкінутых гадаванцаў.

• «Мая мама на адну пенсію ўтрымлівае восем катоў, усіх прастэрылізавала. Усе — падкідышы. А ў людзей сумлення няма».
• «Учора, 19 кастрычніка, прывезлі з дачы трох маленькіх катят. Прышлося прыстроіць усіх за свой кошт. Не кінеш жа».
• «А ў нас праблема з сабакамі, асабліва вялікіх парод. Выкідваюць цяжарных, а потым яны блукаюць і пужаюць усю вёску».

Гісторыя яшчэ раз паказала, што праблема бяздомных жывёлаў у беларускіх вёсках патрабуе сістэмнага вырашэння. Пакуль жа асноўная нагрузка кладзецца на звычайных людзей — тых, хто не можа прайсці міма і прымае чужых жывёл як сваіх.

Чытайце таксама: Погибли из-за халатности: прокуратура расследует массовый падеж скота под Барановичами