ЖКГ Мінскай вобласці запусціла галасаванне пра найлепшую прыборку снегу, аднак ягоныя вынікі выклікалі ў беларусаў шмат пытанняў і крытыкі.
Снежныя завалы ў Бранавічах Слуцкага раёна.
У Telegram-канале ЖКГ Мінскай вобласці з’явілася галасаванне з пытаннем, у якім раёне камунальныя службы лепш за ўсё справіліся з ліквідацыяй наступстваў снегападаў. Беларусам прапанавалі выбраць адзін з раёнаў Міншчыны.
Чытайце таксама: Як TikTok дапамог жанчыне адкапаць дарогу ад снегу ў Салігорскім раёне
Паводле канчатковых вынікаў, найбольшую падтрымку атрымаў Смалявіцкі раён — 32% галасоў. Далей ідуць Чэрвеньскі раён (21%), Слуцкі раён (14%) і Жодзіна (12%). Усяго ў апытанні ўзялі ўдзел больш за 5 тысяч чалавек.
Аднак замест пазітыўнай ацэнкі працы камунальнікаў галасаванне выклікала хвалю крытыкі ў каментарыях.
Асабліва шмат пытанняў узнікла да высокіх пазіцый Слуцкага раёна. Мясцовыя жыхары пішуць, што рэальная сітуацыя далёкая ад тых ацэнак, якія бачны ў апытанні:
Частка карыстальнікаў наогул паставіла пад сумнеў сам прынцып такога галасавання. На іх думку, без рэальнага параўнання сітуацыі ў розных населеных пунктах вынікі не могуць быць аб’ектыўнымі:
Людзі адзначаюць, што нават у межах аднаго раёна сітуацыя з прыборкай снегу можа істотна адрознівацца.
Крытыка галасавання гучыць на фоне складанай метэаралагічнай сітуацыі. 8 студзеня Беларусь накрыў цыклон «Улі», які прынёс моцныя снегапады, завеі і рэзкае пагаршэнне дарожных умоў.
Стыхія закранула многія гарады краіны, у тым ліку Брэсцкай, Гродзенскай і Мінскай вобласці, ускладніўшы рух як у гарадах, так і на міжгарадскіх трасах. Беларусы неаднойчы звярталі ўвагу на адсутнасць сістэмнай прыборкі снегу ў розных рэгіёнах: як апынулася, снегаўборачная тэхніка працавала не паўсюль. А часам праз яе працу ўскладняўся выезд з прыдамавых тэрыторый, калі снег з дарогі перакідвалі ў прыватныя дамы.
Чытайце таксама: «Результат виден только возле горисполкома?» Жители Барановичей критикуют коммунальные службы за уборку снега
Беларусы просят друг друга не наглеть и не пытаться провезти в Польшу сигареты и другую…
ГосТВ неожиданно показало деревенскую реальность: в Жуковом Борке и Залесье связь пропадает, интернет — редкий…
Беларуска распавяла, што з-за снежнага завалу яна не магла выехаць нават у краму. Сітуацыя змянілася…
Платная парковка за ТЦ «Дидас Персия» в Бресте снова в центре скандала: снег не убран,…
Беларусы спорят, кто прав в этой ситуации: брестчане, которые собирались перейти дорогу на зеленый, или…
Продаж адразу трох школьных будынкаў у адным раёне стаў чарговым сімвалам вымірання беларускай вёскі і…