Беларускія ўлады 10 гадоў змагаюцца з «дармаедамі». Цяпер міліцыя шукае «дармаедаў» не толькі ў Беларусі, але і за мяжой.
Девушка, признанная безработной, плачет на приеме у чиновников
Беларус Максім (імя змененае з прычын бяспекі) расказаў BGmedia, што ў Беларусі не жыве з 2022 году, пераехаў у Польшчу. Днямі да яго бабулі ў Беларусі тэлефанаваў участковы, які цікавіўся — дзе цяпер Максім.
«Бабуля даверлівая, не ведае, што міліцыянты могуць быць «з падвохам», і сказала, што я працую ў Польшчы, нават назвала горад, дзе я жыву цяпер. Участковы «напрамілы Бог» прасіў, каб я абавязкова звязаўся з ім у Telegram ці іншым мэсаджары», — расказаў Максім.
Ён, каб супакоіць бабулю, звязаўся з участковым у Telegram. Міліцыянт паведаміў, што Максім унесены ў базу «дармаедаў» і прасіў хлопца выслаць яму у Telegram здымак дакументу, што хлопец мае дамову і афіцыйна працаўладкаваны ў Польшчы.
Участковы абяцаў, што пры атрыманні такой паперы паспрыяе, каб Максіма выключылі з базы «дармаедаў». Хлопец адказаў, што ўвогуле не працуе, а насалоджваецца жыццём. «Участковы ці не ведае сам закон, ці схлусіў. Праца ў Польшчы не вызваляе ад таго, каб выключылі з базы», — дадаў Максім.
Дзяніс (імя змененае з прычын бяспекі) падзяліўся з BGmedia сваё гісторыяй. Хлопец два гады жыве ў Літве. Да яго бацькоў прыехалі супрацоўнікі ДАІ, каб «паразмаўляць». Бацькі не было дома, і яны патэлефанавалі яму, патлумачылі, што хочуць убачыцца асабіста, бо хочуць паразмаўляць пра сына — дзе ён цяпер, дзе працаўладкаваны.
«Бацька сказаў, што ён не дома, што я ў Літве. Яны яшчэ дадалі, што не хочуць гэтым займацца, але нічога не могуць зрабіць — іх абавязалі», — дадаў Дзяніс.
Ён кажа, што больш бацькоў пакуль не турбавалі.
Чытайце таксама: «Шэсць месяцаў нерваў і куча грошай»: як беларуска электраацяпленне падключала
«Барацьбу» супраць беспрацоўных беларускія ўлады пачалі яшчэ ў 2015 годзе — тады быў прыняты так званы «Дэкрэт №3», згодна якому тыя, хто на працягу году працаваў менш за 183 дні, мусілі заплаціць збор (на той момант — 20 базавых велічынь, прыкладна $200).
У 2017 Дэкрэт выклікаў масавыя пратэсты ў Беларусі. Тады ўлады «адматалі назад» — дзеянне дэкрэту было прыпыненае, затым падатак на беспрацоўе замянілі на нормы, якія дзейнічаюць у Беларусі цяпер: «дармаеды» аплачваюць камунальныя паслугі па павышаным кошце, не могуць разлічваць на льготны крэдыт, субсідыю на будаўніцтва ці пакупку жытла.
Калі бацькі не працуюць, іх могуць прызнаць «сацыяльна-небяспечнымі».
У 2025 годзе ўлады пайшлі далей — камісіі «па садзейнічанню занятасці насельніцтва» могуць «узаемадзейнічаць» з міліцыяй. Гэта вылілася ў тое, што «дармаедаў» пачалі выклікаць у міліцыю на «прафілактычныя гутаркі» і ў ўльтыматыўнай форме патрабаваць уладкавацца на працу, пагражаючы «суткамі» ці штрафамі.
Чытайце таксама: Ты не работаешь — заходи поболтать: как в Бресте милиция и центр занятости «приглашают» безработных отметиться
99% продукции фабрики «Актив Шуз» поставляют в Россию. Среди ее клиентов — сотрудники МЧС и…
С начала 2025 года в Бресте зарегистрировали 1 329 браков. Узнали средний возраст вступления в…
За апошні месяц Дзяржстандарт Беларусі забараніў шэраг небяспечных тавараў: ад харчовых прадуктаў і напояў да…
Когда мужчина пришел в себя, то действовал агрессивно — кричал, ругался и даже угрожал окружающим.…
З 1 верасня ў школах Беларусі забаранілі выкарыстанне мабільных тэлефонаў. Мы пагаварылі з настаўнікам і…
Рождаемость в Беларуси за восемь лет сократилась в два раза. В стране один за другим…