Школьнікі супраць Міністэрства: змены ў ЦТ прымусілі перапланаваць падрыхтоўку да паступлення

Міністэрства адукацыі Беларусі ўнесла карэктывы ў спіс прадметаў для ЦТ і ЦЭ, што выклікала хвалю абурэння сярод школьнікаў. Цяпер для некаторых спецыяльнасцей замест англійскай і фізкультуры трэба рыхтавацца да Гісторыі Беларусі, хіміі і біялогіі. У сацыяльных сетках дзеці дзяліцца сваім абурэннем і крытыкуюць нечаканыя змены.

Чытайце таксама: Без тэлефонаў і туалетнай паперы: дзеці скардзяцца на ўмовы ў школе

Пастановай Міністэрства адукацыі ад 5 студзеня 2026 г. № 11 быў удакладнены спіс груп спецыяльнасцей і адпаведных ім профільных іспытаў для паступаючых ва ўстановы вышэйшай адукацыі. Змены закранаюць некаторыя спецыяльнасці, дзе будуць зменены прадметы профільнага іспыту.

Напрыклад, для спецыяльнасцей «Дзяржаўнае кіраванне і права», «Сацыяльныя камунікацыі ў дзяржаўным кіраванні», «Правазнаўства» і іншых з 1 студзеня 2027 года абавязковымі прадметамі стануць сацыяльныя веды і гісторыя Беларусі ў кантэксце сусветнай гісторыі, у той час як да 31 снежня 2026 года неабходна было здаваць Грамадазнаўства і Замежную мову.

Для спецыяльнасці «Турызм і прыродакарыстанне» з 2027 года прадметамі стануць біялогія і хімія, раней — фізкультура і біялогія. Постанова ўступае ў сілу 23 студзеня 2026 года.

У адказ на гэтыя змены школьнікі сталі публікаваць відэа ў TikTok, дзе выказваюць сваё абурэнне. «Міністр адукацыі паведаміў пра гэта толькі цяпер, калі ўсе ўжо пабудавалі планы і нанялі рэпетытараў», — кажа аўтарка аднаго з ролікаў.

@lizwwxiqqeri восхищаюсь им😍😍 #рекомендации ♬ Children — Dream Version — Robert Miles

Што кажуць у каментарах

Беларускія школьнікі не хаваюць свайго абурэння. Некаторыя адзначаюць супярэчнасць паміж прадметамі і будучай спецыяльнасцю:

• Напрыклад, адзін карыстальнік піша: «Якім бокам хімія да турагенцтва, гамон проста».
• Іншыя выказваюцца пра рашэнні Міністэрства больш агульна: «Усе такія ж тупыя. Не здзіўлюся, калі ў гэтых міністраў яшчэ і карупцыя квітнее».
• Некаторыя іранізуюць з цяперашняй сітуацыі: «І на геолага замест геаграфіі трэба будзе здаваць труд 100%».

Ёсць і тыя, хто проста расчараваны аб’ёмам работы:

• «Жах… у гісторыі дат шмат… удачы».

• «Я рыхтавалася 5 гадоў да англійскай дзеля гэтага».

Нягледзячы на тое, што змены ўступяць у сілу толькі з 2027 года, многія школьнікі лічаць гэта несправядлівым. Бо тыя, хто рыхтаваўся загадзя, ужо пабудавалі планы і інвеставалі час і грошы ў рэпетытараў, а цяпер ім даводзіцца перапланаваць сваю падрыхтоўку.

Чытайце таксама: У Беларусі ўводзяць электронныя сертыфікаты ЦТ і ЦЭ, але не без праблемаў