«Неяк не па сабе, асабліва ў гадзіну пік». Стан моста Блахіна трывожыць віцебчукоў, а чыноўнікі маўчаць

Вясной 2026 года віцебчукі пачалі выкладаць у сацсетках фота і відэа з падпорнымі канструкцыямі на адной з частак моста Блахіна. Выглядае гэта трывожна, а людзі пытаюцца, наколькі бяспечна цяпер ездзіць і хадзіць па мосце праз Заходнюю Дзвіну. Пакуль што ўлады Віцебска гэтыя кадры публічна не каментуюць.

Чытайце таксама: «Затое на суботніках як красуюцца». Віцебскія чыноўнікі апамяталіся пасля відэа пра добраўпарадкаванне Юбілейнага моста

Мост Блахіна плануюць капітальна рамантаваць паводле схемы Юбілейнага моста

ДзяржСМІ апошні раз згадвалі мост 31 снежня 2025 года. «Віцебскія весці» пісалі, што мост Блахіна плануюць капітальна рамантаваць паводле схемы Юбілейнага моста — з закрыццём трамвайнага руху і арганізацыяй руху аўтамабіляў і пешаходаў па адной паласе. Папярэдне называліся 2026–2027 гады. Пасля гэтага — цішыня, хоць пытанняў да стану моста з таго часу толькі дадалося.

Спецыялісты абследавалі мост у 2024 годзе і прызналі яго перадаварыйным. У справаздачы гаварылася пра разбураныя швы, карозію металаканструкцый, трэшчыны ў бэльках да 70 см, а таксама пра рызыку прасадкі ці нават абрушэння пралёта пры далейшым зносе.

@2thregionofbelarusВитеблян беспокоит состояние моста имени Блохина #витебск #мост #мостБлохина #двина #реконструкция♬ оригинальный звук — Второй регион Беларуси

Восенню 2025 года ўлады Віцебска шукалі арганізацыю, якая будзе весці праект і кантраляваць будаўніцтва. Тады ж называлася папярэдняя сума рамонту — 21 млн рублёў.

Высветлілася, што ў маі 2026 года чыноўнікі заказалі новае абследаванне моста. Паводле тэндэрных дакументаў, гаворка ідзе пра дэталёвае абследаванне з разлікам грузападымальнасці і нясучай здольнасці збудавання. Кошт тэндэра — 68 920 рублёў, выканаць работы павінны да канца ліпеня 2026 года.

Пасля гэтага яшчэ некалькі месяцаў — а магчыма, і да паўгода — можа заняць распрацоўка праекта рэканструкцыі. Таму, імаверна, у гэтым годзе паўнавартасны рамонт моста так і не пачнецца.

Чытайце таксама: «Цярністы шлях спартсменаў і аматараў спорту». Бетонныя лесвіцы каля Віцебскага ЦСК знаходзяцца ў жаласным стане

Якая прэтэнзія ў віцебчукоў да чыноўнікаў

В сети каждый ваш клик оставляет след, который могут использовать против вас. Не позволяйте превращать ваши интересы в уголовные дела. Включайте BGlobal VPN — будьте невидимы для посторонних глаз.

Ссылка на подключение BGlobal VPN – здесь 

Прэтэнзія віцебчукоў да чыноўнікаў у тым, што яны маглі б хаця б паведамляць, што адбываецца з абследаваннем і праектам, каб людзі не гадалі па фатаграфіях, чаму мост падпіраюць. Некаторыя каментары ў сацсетках:

• «Неяк не па сабе, асабліва ў гадзіну пік».
• «На ровары ездзіць немагчыма, на мосце тырчаць металічныя накрыўкі і вельмі глыбокія ямы».
• «Пытанне: а як па ім ездзіць?»
• «Гадоў 35 таму быў рамонт».
• «Ішла нядаўна па мосце і думала чамусьці пра абрушэнне, а вось яно як, аказваецца».

Чытайце таксама: У Віцебску на вуліцы Герцэна спілавалі дрэвы. «Віцебскэнерга» адказала, што гэта дзеля цяпла ў кватэрах зімой

Будь на связи и в безопасности: подключи BGlobal VPN

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро