У многіх рэгіёнах Беларусі восеньскі грыбны сезон так і не пачаўся — у лесе суха. Але апенькі парадавалі пад Мінскам, Гомелем і на Віцебшчыне.
Несмотря на высокую цену, белые грибы на Центральном рынке в Бресте пользуются спросом
Восень — час у лес, па грыбы. Але сапраўдны сезон у многіх раёнах Беларусі так і не наступіў — суха. Грыбнікі наракаюць у адмысловых групах на адсутнасць дажджу і зайздросцяць тым, хто выхваляецца поўнымі вёдрамі і кошыкамі грыбоў. У безумоўных лідарах цяпер апенькі. Імі «завалены» усе грыбныя суполкі.
«Пад Мінскам пашлі апенькі», — хваляцца грыбнікі ў групе. Іншыя пішуць больш дакладную лакацыю — добрыя зборы апенек пад Лагойскам, Азярышчам і Калодзішчамі — «усё ў апеньках, сядзяць на сухіх бярозах». Задаволены зборам грыбнік апублікаваў фота, дзе ён ляжыць сярод некалькіх вядзёр апенек, і падпісаў: «Апенькавы рай. Калодзішчы».
«Апенькі выстралілі паміж Гомелем і Рэчыцай. Шчэрбаўка адарыла багатым ураджаем, нягледзячы на суш, не чакаў», — уражаны грыбнік.
У Барысаўскім раёне — слабыя зборы. «Лісічкі зніклі, знайшоў некалькі курачак, пару махавікоў, баравічок, два падасінавікі — і гэта ўсё. Вельмі патрэбны дождж і лес ажыве, а пакуль там няма чаго рабіць», — не хавае расчаравання жыхар Барысаўскага раёну.
У Баранавіцкім раёне мясцовая жыхарка набрала лісічак, у Шумілінскім раёне мясцовыя набралі апенек. Грыбнікі даволі жадныя да дароў лесу. «Сённяшняя паездка па апенькі — адно суцэльнае расчараванне. Ледзь сабрала 10 літраў. Гомельскі раён», — дала справаздачу грыбніца.
Пад Лепелем зьявіліся чорныя грузды, але ёсць нюанс. «Чорныя грузды расчаравалі — амаль усе чарвівыя, нават малыя. Знайшла жменьку жоўтых — чыстыя. Па баравіках — зусім бяда, адзінкавыя выпадкі. Пакуль дажджу не будзе — у лесе рабіць няма чаго», — скардзіцца жыхарка Лепеля.
Яе «калега па грыбах» піша, што мала знайсці, мала вынесці з лесу 3 вядры апенек — самае цікавае пачынаецца дома. Грыбы перабраць, прамыць, зварыць, замарынаваць, замарозіць, пакінуць на смажанне.
У кожным выпадку цяпер грыбнікі найбольш патрабуюць і чакаюць дажджу.
Чытайце таксама: Тэст. Шампіньёны ці пячýрыцы? Апяты ці апéнькі? Як гучаць на беларускай мове назвы вядомых грыбоў беларускага лесу?
Правительство изменило статус Споровского заказника — его площадь уменьшили. Экологи опасаются, что охрана ослабнет.
Брестчанин проводил экскурсию для россиян, раз она стоила 1 000 российских рублей и 150 беларуских. Именно…
На сельскім сходзе ў Глускім раёне ўлады патлумачылі, чаму транспарт для вёсак залежыць не ад…
Некоторым не нравится швейная фирма на месте продуктового магазина, другие критикуют открытие очередного обычного кафе…
Постановление Совета Министров «Об обороте пиротехнических изделий» фактически поставило точку в свободной продаже салютов, петард…
У Слуцкай стаматалогіі закрылі адзіны рэнтгенаўскі кабінет. Гэта непакоіць мясцовых жыхароў. Яны ставяць пад сумнеў…