Год пасля абвалу балкона ва Ульянавічах завалы так і не прыбралі

Жыхары аграгарадка Ульянавічы Сенненскага раёна паскардзіліся ў сацсетках з нагоды стану нежылога двухпавярховага дома №16 на вуліцы Цэнтральнай.

Чытайце таксама: Огласка сработала: после публикации в СМИ в одном из проблемных дворов в Молодечно сделали ремонт

Паводле іх словаў, будынак знаходзіцца ў аварыйна-тэхнічным стане. Прыкладна год таму ў яго абваліўся балкон, пасля чаго каля дома засталіся абломкі жалезабетонных канструкцый, цэгла і іншае будаўнічае смецце.

@user6953181858272♬ оригинальный звук — odinoki09090

Праблема не толькі ў тым, што тэрыторыя вакол будынка выглядае занядбанай. Мясцовых жыхароў непакоіць і стан небяспекі: побач з домам, які ўжо мае праблемы з тэхнічным станам, працягваюць знаходзіцца рэшткі разбураных канструкцый, праз якія даводзіцца перабірацца людзям.

Жыхары звярталіся ў ЖКГ і райвыканкам

Як сцвярджаюць аўтары звароту, які даслалі ў рэдакцыю незалежнага медыя, будынак знаходзіцца на балансе УП ЖКГ Сенненскага раёна. Менавіта туды, а таксама ў Сенненскі райвыканкам, людзі неаднаразова звярталіся з просьбай навесці парадак каля дома.

«На працягу паўгода звяртаемся да кіраўніцтва Сенненскага райвыканкама і дырэктара УП ЖКГ Сенненскага раёна для аказання садзейнічання ў навядзенні парадку і добраўпарадкаванні тэрыторыі», — гаворыцца ў звароце.

Аднак, паводле жыхароў, канкрэтных вынікаў яны пакуль не ўбачылі. Людзям, як яны сцвярджаюць, не раз абяцалі вырашыць пытанне, але абломкі і будаўнічае смецце каля дома ўсё яшчэ застаюцца.

«Тут, напэўна, не толькі абломкі прыбіраць трэба»

Сітуацыя выклікала рэакцыю і ў мясцовых жыхароў, і агулам у беларусаў.

• «Тут, напэўна, не толькі абломкі прыбіраць трэба, а, хутчэй за ўсё, закапаць цалкам будынак. Пакуль не здарылася чаго страшнага», — напісаў адзін з каментатараў.

Іншы карыстальнік з сумам адзначыў: «Калісьці гэта быў наш балкон».

• «Там, паходу, усё трэба прыбіраць», – напісаў іншы чалавек.

Чытайце таксама: «Я удивлена, что никто не пострадал». В Молодечно за день обрушились бетонные козырьки всех подъездов одного дома