Улады заяўляюць пра рост колькасці першакласнікаў, а лічбы сведчаць пра супрацьлеглае. За апошні год у Беларусі стала менш школ, вучняў і настаўнікаў. Дэмаграфічны крызіс паглыбляецца.
Школьніца сыходзіць ад аднакласніцаў. Ілюстратыўнае фота, згенераванае ШІ.
На пачатак навучальнага году 2023/2024 у Беларусі было 2872 установы адукацыі. Праз год, на пачатак 2024/2025 такіх устаноў стала 2848, то бок мінус 24 установы адукацыі. У 2023/2024 годзе ў Беларусі была 81 пачатковая школа, праз год іх стала менш на 4. За год у краіне зачыніліся 6 сярэдніх школ, 13 – базавых і адна спецыяльная.
За год колькасць вучняў зменшылася на 9,7 тысяч чалавек. Вучняў у пачатковых класаў стала на 100 больш, у спецыяльных школах – на 300 больш, у базавых школах – на 900 менш, у сярэдніх школах – на 9,6 тысяч менш.
На тысячу стала менш настаўнікаў (было 103,3 тысячы, стала – 102, 3 тысячы).
Знікненне школ, змяншэнне колькасці вучняў можа быць патлумачанае дэмаграфічнай сітуацыяй у Беларусі. За 2024 год насельніцтва Беларусі скарацілася амаль на 47 тысяч чалавек. Па афіцыйных дадзеных, на 1 студзеня 2025 насельніцтва склала 9109280 чалавек. Гэта практычна на 47 тысяч менш, чым год таму. За 2023 год краіна страціла амаль 45 тысяч жыхароў. Самы моцны скачок быў у 2021 годзе – насельніцтва зменшылася адразу амаль на 94 тысячы чалавек.
Читайте также: «Еще бы ОМОН пригнали»: родители возмущены новым порядком входа в учебные заведения
За 5 гадоў (з 2020) краіна страціла 300 979 чалавек, з 2000 – 893255 чалавек. Аднак афіцыйна не ўлічваюцца людзі, якія зьехалі з Беларусі. Па некаторых дадзеных, у тым ліку з МУС, з краіны зьехалі больш за 200 тысяч чалавек. У 2023 годзе намеснік міністра ўнутраных спраў Мікалай Карпянкоў заяўляў пра эміграцыю 350 тысяч чалавек.
Нараджальнасць у Беларусі ўпала ў два разы за 8 гадоў. У 2016 годзе ў краіне нарадзілася 117,779 дзяцей, а ў 2024 – толькі 58,938.
Напрыклад, старшыня Гомельскага выканкаму сцвярджае, што ў рэгіёне «стала больш першакласнікаў». Ён тлумачыць, што за парты ў 2025/2026 годзе сядзе 14,8 першакласнікаў — «што на 430 дзяцей больш, чым год таму». Аказалася, што Іван Крупко маніпулюе лічбамі і аспрэчвае свае ж словы. Бо ў жніўні 2024 году ён казаў, што за парты сядзе каля 15,5 тысяч першакласнікаў, што значыць: у рэгіёне за год стала на 700 вучняў першых класаў менш, а не на 430 больш.
Читайте также: «Какие сказки!» Белстат снова удивил беларуских учителей своей статистикой
Случчанка заявіла пра магчымую высечку бярозавага парку ў Танежыцах і сфатаграфавала тое, што адбываецца. Неўзабаве…
Первый туристический автобус в областном центре выехал на маршрут 26 июля. Однако, вместе с интересом…
На Artik & Asti людей не пустили за ворота полупустого стадиона, а концерт Мари Краймбрери…
Витебский зоопарк снова в центре скандала из-за условий содержания животных. Показываем, что возмутило горожан.
Урач з Гомеля заявіла пра звальненне пасля канфлікту вакол вагінальнага УГД. Яе гісторыя выклікала рэзананс…
У Рэчыцы могуць закрыць адзіны прыватны прытулак для бяздомных жывёл. Да 6 жніўня адтуль патрабуюць…