Навучэнцы Пінскага аграрнага каледжа наведалі СІЗА ў Баранавічах, а школьнікаў з Валожынскага раёна павезлі ў турму ў Жодзіне.
Турма ў Беларусі. Ілюстрацыйнае фота
Каля дваццаці навучэнцаў Пінскага дзяржаўнага аграрнага каледжа 27 кастрычніка наведалі следчы ізалятар № 6 у Баранавічах. Экскурсію арганізавалі для прафілактыкі правапарушэнняў і злачынстваў сярод моладзі.
Чытайце таксама: У беларускіх школах ладзяць відэасустрэчы са зняволенымі. Цяпер — нават з жаночай калоніі
Супрацоўнікі ізалятара расказалі навучэнцам, якія катэгорыі людзей утрымліваюцца ў СІЗА, па якіх артыкулах Крымінальнага кодэкса іх абвінавачваюць, а таксама патлумачылі правілы ўнутранага распарадку і рэжым установы, заўважыла група праваабронцаў «MAYDAY.team».
Падобныя мерапрыемствы ладзяць і для школьнікаў. Так, 23 кастрычніка інспекцыя па справах непаўналетніх Валожынскага раёна арганізавала паездку ў турму № 8 у Жодзіне. Туды адправілі групу школьнікаў рознага ўзросту з мясцовых устаноў адукацыі, сярод іх былі і дзяўчаты.
Падчас экскурсіі дзецям паказалі калідоры рэжымных карпусоў, бетонныя дворыкі для прагулак, камеры і карцэр. Асобную ўвагу звярнулі на злачынствы, звязаныя з наркотыкамі, дзейнасць так званых «спартыкаў» і інтэрнэт-махлярства.
Жодзінская турма № 8 — адзіная ў Беларусі ўстанова такога тыпу, дзе, акрамя следчага ізалятара, ёсць спецыяльны корпус для людзей, асуджаных да пажыццёвага зняволення.
Падобныя экскурсіі ў беларускія СІЗА і турмы ўсё часцей падаюць як спосаб прафілактыкі правапарушэнняў сярод дзяцей і падлеткаў. Аднак за такой «выхаваўчай» практыкай стаіць і іншы падыход: замест размовы пра прычыны злачыннасці, правы чалавека і ўмовы ўтрымання ў месцах несвабоды школьнікам паказваюць камеры, карцэры і турэмны побыт. Гэта стварае ўяўленне, што галоўны спосаб змагацца са злачыннасцю — запалохванне пакараннем. Такія мерапрыемствы таксама нармалізуюць прысутнасць сілавых структур у адукацыйным і выхаваўчым працэсе.
Чытайце таксама: «Беларуская школа стала падобнай да зоны». Настаўнік расказаў, як вучням не даюць выйсці на свежае паветра
Сомнения у сотрудников таможни вызвал идентификационный номер автобуса. Его пытались выдать за уже зарегистрированный в…
Традыцыйныя абрады ператвараюцца ў міжнародныя фэсты, саламяныя вырабы трапляюць на старонкі Vogue, а пад фолькавыя…
За апошнія гады ў Беларусі пашырылі збор і сартаванне смецця, але частка адходаў па-ранейшаму трапляе…
Горисполком обещал сплошное асфальтирование этой улицы еще в 2024 году, но спустя два года люди…
Письмо Кобринского райисполкома вызвало резонанс в соцсетях. Культуролог Вадим Можейко объяснил, что чиновники не должны…
З 26 кастрычніка «Куфар» можа кантраляваць паведамленні карыстальнікаў, блакаваць іх і перадаваць звесткі пра магчымыя…