Пасля выключэння з універсітэта хлопец падаваў скаргу ў Мінадукацыі. Прыйшоў адказ, які яго не задаволіў.
Хлопца выключылі з ВНУ
Кірыл быў студэнтам чацвёртага курса Беларускага Дзяржаўнага Эканамічнага Універсітэта. Але давучыцца ён не здолеў. На ўрачыстай лінейцы, прымеркаванай да Дня ведаў, 1 верасня хлопец запісаў відэа і выклаў яго ў TikTok. Па ягоных словах, менавіта яно стала нагодай для выключэння хлопца з універсітэта.
Чытайце таксама: Хлопца выключылі з універсітэта за відэа. Ён збіраецца падаваць скаргу ў Мінадукацыі
Кірыл спрабаваў абскардзіць рашэнне ў Міністэрстве адукацыі, пра што пісаў у сваім асабістым Telegram-канале. Але адказ яго не задаволіў.
Раней выключэнне студэнта патлумачылі тым, што ён парушыў правілы ўнутранага распарадку ўстановы адукацыі. У загадзе па адлічэнню адзначылі, што ягоныя дзеянні могуць утрымліваць прыкметы адміністрацыйнага або нават крымінальнага правапарушэння. Як патлумачыў сам Кірыл, у відэа, дзе хлопец проста стаяў на лінейцы з дзяўчынамі, пабачылі «здзек з дзяржаўнай сімволікі» толькі таму, што яны стаялі «спіной да сцяга».
Акрамя таго, ва ўніверсітэце паведамілі, што раней да хлопца ўжо прымяняліся меры дысцыплінарнага спагнання (ён меў даўгі па вучобе). На гэтай падставе адміністрацыя ўніверсітэта прыняла рашэнне аб яго выключэнні.
Чытайце таксама: На студэнта з Конга маглі націснуць. Цяпер ён просіць СМІ «не палітызаваць сітуацыю»
У Мінадукацыі разгледзелі зварот ужо былога студэнта і далі яму адказ: «Разгледзеўшы дадзеныя матэрыялы, Міністэрства адукацыі не выявіла парушэнняў дзеючага заканадаўства з боку БДЭУ». Адказ быў даволі фармальны і кароткі, без дадатковых тлумачэнняў.
Хлопца такое тлумачэнне не задаволіла. «З такім адказам маглі не адказваць», — піша ён у сваім асабістым Telegram-канале. Таксама былы студэнт сказаў, што тры гады, страчаныя на вучобу, яго засмучаюць, бо ён так не змог скончыць універсітэт. Пра далейшыя планы ў жыцці Кірыл пакуль не паведамляе.
Чытайце таксама: «Парадак» любой цаной: як школа ў Беларусі цісне на настаўнікаў і вучняў
Некоторые беларусы не догадываются, что при возвращении домой их ждет допрос на границе. После «бесед»…
Пасля шматлікіх няўдалых спробаў мінчанку з Купалы-7 усё ж запісалі на прыём у Савет Рэспублікі.…
Председатель брестских депутатов попросил представителей бизнеса в сфере ритуальных услуг заняться благоустройством неухоженных надгробий.
Старый аттракцион в парке Пинска демонтировали и установили новый, но пинчане ждут не ремонта, а…
После выхода публикации BGmedia о волне возмущения из-за вырубки деревьев в Брестской крепости власти вышли…
В Бресте завершили «общественные обсуждения» строительства завода на улице Гоздецкого. Чиновники утверждают, что позаботились об…