Будынак былога завода пустуе ўжо цэлае дзесяцігоддзе. Яго не могуць прадаць некалькі год. Прыйшоў час чарговай спробы.
Слуцкі кансервавы завод. Фота: https://nasledie-sluck.by/
Стала вядома, за колькі прадаюць гістарычную каштоўнасць горада Слуцка — будынак былога кансервавага завода, што месціцца ў цэнтры горада.
Чытайце таксама: Сколько стоит история? «Итальянский квартал» в Бресте спустя 10 лет снова выставили на продажу
Дзяржпрадпрыемства «Мінскі абласны цэнтр інвестыцый і прыватызацыі» па даручэнні КУП ЖКХ Слуцка выставіла на аўкцыён кансервава-фабрыкатны цэх. Ён знаходззіца на вуліцы Леніна, 116-2. Першапачатковы кошт без ПДВ — адна базавая велічыня (42 бел. рублі). Задатак — 42 рублі. Аб гэтым паведамляе mlyn.by. Дата аўкцыёна пакуль не вызначана.
Першапачаткова ўстанову будавалі як Камерцыйнае вучылішча. Яно з’явілася ў 1912 годзе пры падтрымцы мясцовых мецэнатаў — Міхаіла Кір’якова, памешчыка Эдварда Вайніловіча (заснавальніка касцёла святых Сімона і Алены ў Мінску) і Браніслава Залескага.
Будынак паспеў перажыць не адну рэканструкцыю, пажары і значныя перамены. У розныя часы тут размяшчаліся першы ў горадзе краязнаўчы музей, Дом культуры прафсаюзаў і няпоўная сярэдняя школа № 6. Таксама тут працавалі розныя секцыі, у тым ліку тэатральны калектыў Уладзіслава Галубка, вядомага беларускага драматурга і рэжысёра.
Кансервавы завод тут дзейнічаў з 1960-х гг. Ён прабыў тут даволі доўга, ажно да сярэдзіны 2010-х. Напрыканцы свайго існавання завод сутыкнуўся з пэўнымі фінансавымі праблемамі. Яго планавалі рэарганізаваць і далучылі да вырабнічага ўчастка ТАА «Слуцкі сыраробны камбінат». Аднак гэта не ўратавала прадпрыемства, і ў 2015 годзе яго давялося ліквідаваць.
Упершыню будынак выставілі на продаж у 2022 годзе. Ранейшы кошт складаў 2 865 000 рублёў ці $1,14 млн без ПДВ.
Пасля ліквідацыі завода ад прадпрыемства засталося некалькі будынкаў. Іх збіраліся перадаць ва ўласнасць райвыканкама, бо яны ўяўлялі гісторыка-культурную каштоўнасць.
Было некалькі грамадскіх абмеркаванняў наконт далейшага лёсу былога завода. У 2018 мастакі прапаноўвалі стварыць на месцы музей малой радзімы або арт-цэнтр, дзе змясціліся б і творы класікаў, і эксперыменты моладзі. Аднак план не здолелі рэалізаваць. Хоць яго высока ацаніў тагачасны старшыня райвыканкаму Андрэй Янчэўскі, ён адзначыў, што гэта запатрабуе значных рэсурсаў і дадатковага фінансавання.
У 2021 годзе разглядалася ідэя пабудаваць на месцы будынка спартовы комплекс з рэстаўрацыяй існуючага помніка, але праект не ажыццявілі, і праз год будынак выставілі на аўкцыён.
Чытайце таксама: Мураванка, Кухцічы, Жэмыслаўль: як беларускія палацы ператварыліся ў руіны
Уладальнік рытуальнага агенцтва з Глуска ўсталёўвае вароты і агароджы на могілках без аплаты, закрываючы праблемы,…
В Беларуси только утвердили новые нормы на картофель — и сразу взялись за яблоки. Узнали…
Изначально молодого человека обвиняли в «реабилитации нацизма», а на суде появились статьи, которые используют в…
Год благоустройства ощутили не все горожане. Жители домов на Московской возмущены качеством благоустройства — часть…
Мінпрамысловасці выказала незадаволенасць вынікамі працы прадпрыемстваў, сярод якіх «Магілёўліфтмаш». На ліфты гэтай кампаніі неаднойчы ўзнікалі…
Маці выпускніка апублікавала відэа, у якім паказала ўмовы пражывання студэнтаў у інтэрнаце на вуліцы Маскоўскай.…