Блізкія памерлага лічаць, што па віне фiнансавай ўстановы мужчына стаў кантактам першага ўзроўню, а затым памёр.
«Нашай Ніве» стала вядома пра яшчэ адну ахвяру каранавіруса — гэта 51-гадовы кіроўца галоўнага офіса «БПС-Сбербанка» Эдуард Ціхаміраў. Ён памёр у 6-й бальніцы Мінска ў суботу, 4 красавіка. Пра гэта паведамілі брат і жонка Эдуарда. Па інфармацыі nn.by, сваякі выказваюць намер судзіцца з банкам.
«Мой малодшы брат памёр па віне банка, — перакананы брат памерлага. — Работнік банка нібыта прыехаў з Іспаніі і выйшаў на работу да таго, як прыйшоў станоўчы вынік тэста. Ён адпрацаваў некалькі дзён і пазаражаў астатніх. Эдуард нават не ведаў, што працуе побач з заражаным! У выніку мой брат стаў кантактам першай групы. Яго жонка таксама ў інфекцыёнцы. І ў мяне, і ў яе ёсць цвёрды намер засудзіць банк».
Читайте также: «Сгорела буквально за пять дней»: в Витебске еще в марте умерла 54-летняя женщина с пневмонией и коронавирусом
А вось што расказвае жонка Таццяна. Яна, дарэчы, не была афіцыйна распісана з Эдуардам, але разам яны пражылі «14 цудоўных гадоў» і выгадавалі яе сына.
«Усё было так: 21 сакавіка мой муж захварэў, пачало ламіць косткі, тэмпература паднялася да 37,5. Ён прахварэў выхадныя, у панядзелак-аўторак яшчэ схадзіў на работу, бо тэмпература збівалася да 36,8. У сераду, 25 сакавіка, яму ўжо стала млосна, я сказала: ідзі на бальнічны, ён пайшоў. Увесь гэты час дома ён кантактаваў са мной, маім сынам і маім бацькам. У суботу тэмпература пачала павышацца да 38 градусаў і далей. І тут пазваніў яго калега і кажа: «Эдуард, паколькі ты хворы, то я табе неафіцыйна скажу, што ў нас пацвердзіўся выпадак каранавіруса ў калектыве. Я выклікала хуткую, мужа забралі ў бальніцу. І вось праз 14 дзён ад пачатку захворвання Эдуард памёр… У пасведчанні аб смерці стаіць сардэчна-лёгачная недастатковасць, вірусная пнеўманія, каранавірусная інфекцыя COVID-19», — сказала Таццяна.
Па яе словах, з пахаваннем узніклі праблемы.
Читайте также: В Витебске умер еще один мужчина, у которого был коронавирус. У его жены COVID-19 тоже подтвердился
«Развітання не было, натуральна: ні дачка, ні я, ні брат, ні маці. Але гэта зразумела — бяспека. Яго крэміравалі, але як было: некалькі пахавальных арганізацый нам адмовілі, як толькі даведаліся пра каранавірус і інфікаванае цела. Я пазваніла ў МНС і папрасіла дапамагчы, там мне не адмовілі, але і не дапамаглі. У выніку мы знайшлі машыну, якая даставіла цела ў крэматорый. Целы зашываюць у вакуумныя пакеты», — кажа яна.
Па словах жанчыны, у яе самой вірус працякае ў лёгкай форме, але яе 71-гадовы бацька ў вельмі кепскім стане, ён пасля двух інсультаў.
«Я вельмі ўдзячная медыкам, яны вельмі стараліся, удзячна аддзяленню рэанімацыі 6-й клінікі, калектыву інфекцыйнай бальніцы, дзе я і мой сын цяпер. Дзяўчаты вельмі прыязныя, яны сапраўды для людзей працуюць. У мяне няма прэтэнзій ні да каго ў белым халаце, я ўпэўнена, што яны зрабілі для мужа ўсё, што маглі», — кажа жанчына.
Читайте также: Еще две смерти от пневмоний в Витебске и Минске. У обоих мужчин подтвердился коронавирус
«Крыўдна чытаць, што паміраюць людзі, якія пакутавалі на хранічныя хваробы, крыўдна чытаць выказванні ў духу: «Як жа ён можа быць здаровы, калі важыць 135 кілаграм?». Мой муж быў два метры ростам і таксама важыў 112 кілаграм! Гэта нармальная вага! У яго не было ніякіх хранічных захворванняў, ён не меў ні цукроўкі, ні сардэчных хвароб, у яго не было нават павышанага ціску! Натуральна, не трэба страху і панікі, але трэба клапаціцца пра людзей, сваечасова ім паведамляць інфармацыю. Калі б у нас былі ў запасе тыя чатыры дні, пакуль ён ляжаў дома і тэмпературыў, заражаючы мяне, майго бацьку, сына… Арганізацыя, у якой працаваў мой муж, дагэтуль з намі не звязвалася. Я пакуль што нікога не вінавачу, у сітуацыі будуць разбірацца Следчы камітэт і пракуратура, калі я выйду з бальніцы», — дадала яна.
Агулам зараза ў галоўным офісе «БПС-Сбербанка» набыла немалы маштаб: па інфармацыі «Нашай Нівы», прынамсі некалькі чалавек з пацверджаным каранавірусам ізаляваныя.
Читайте также: «К гробу и телу нельзя было прикасаться»: в Витебске похоронили еще одну женщину, у которой был коронавирус
У прыватнасці, у аднаго з дырэктараў дэпартамента хвароба працякае не вельмі лёгка. Аднак яго жонка кажа пра станоўчую дынаміку, яна спадзяецца, што муж неўзабаве пераможа вірус. Вядома і пра заражэнне на ўзроўні намесніка старшыні праўлення «БПС-Сбербанка».
«Наша Ніва» звярнулася да прэс-службы банка, пакуль адказу няма.
А в Бресте троих человек судили за контрабанду «Оземпика» почти на миллион рублей. Подробности этих…
У беларусов есть несколько объяснений исчезновения очередей. Кто-то хвалит поляков, некоторые радуются началу учебного года…
Речь про хаотично растущие кусты вдоль тротуаров и велосипедных дорожек. Горожане пишут, что «все это…
По информации ее сестры Татьяны Хомич, сегодня Мария Колесникова фактически голодает в колонии. Она весит…
Белстат опубликовал новые цифры статистики занятого в экономике населения. BGmedia сравнило их с данными десятилетней…
Пересекающие беларускую границу люди знают, что нужно почистить телефон, чтобы силовики в нем ничего не…