У мужа і іншых родных памерлай жанчыны медыкі ўзялі аналіз на COVID-19.
18 сакавіка ў Віцебску памерла 58-гадовая Таццяна Х. Жанчыну шпіталізавалі з запаленнем лёгкіх, піша «Наша ніва».
Сваякі кажуць, што Х. зрабілі і тэст на каронавірус — ён быў станоўчы.
Афіцыйнай прычынай смерці ў пасведчанні пазначаны не каранавірус.
«Таццяна нікуды не ездзіла, яна звычайная пенсіянерка. Была дома, хадзіла ў краму, усё як звычайна, — распавяла «Нашай Ніве» нявестка памерлай. — Некалькі дзён таму ёй стала кепска. Пару разоў выклікалі і доктара дадому, і хуткую дапамогу. Але толькі праз пяць ці шэсць дзён яе шпіталізавалі ўжо з пнеўманіяй. Пазней нам сказалі, што аналізы паказалі каранавірус: ці яго выявілі пры паступленні Таццяны ў бальніцу, ці пасля ўскрыцця, дакладна я не ведаю».
Читайте также: В Польше умерла 27-летняя женщина, у которой был коронавирус. Несколько дней назад она родила
Тэсты загадалі здаць і сваякоў памерлай. Цяпер яны ў хатнім каранціне, чакаюць вынікаў. Кажуць, прыкметаў захворвання ў іх пакуль няма.
«У Таццяны былі і спадарожныя праблемы са здароўем: высокі ціск, цукроўка. Афіцыйнай прычынай смерці, канечне, напісалі не каранавірус. Але вось такі факт», — кажа нявестка.
Па непацверджанай інфармацыі, жанчына яшчэ некалькі дзён хадзіла ў паліклініку на ўколы. Цяпер работнікаў паліклінікі і бальніцы, якія кантактавалі з ёй, таксама адправілі здаваць тэсты.
20 сакавіка жанчыну пахавалі.
Нявестка кажа, што Таццяну Х. хавалі ў закрытай труне, апрацаванай сродкамі дэзыінфекцыі. Пахаванне было закрытым, прысутнічалі толькі блізкія члены сям’і.
Інфармацыю пра тое, што Тацьцяну хавалі ў закрытай труне, муж памерлай жанчыны Свабодзе абверг. З яго словаў, разьвітаньне прайшло раніцай 20 сакавіка і было звычайным.
Ён пацвердзіў, што ў яго і іншых родных памерлай жанчыны медыкі ўзялі аналіз на COVID-19. Прычынаў гэтага мужчына не ведае.
Падчас падрыхтоўкі матэрыялу «Наша ніва» неаднаразова званіла ў прэс-службу Міністэрства аховы здароўя, але ніхто не адказваў.
Дапоўнена:
«Дыягназаў у яе шмат, але гэтага [каранавіруса] няма», — адказала «Нашай Ніве» пасля публікацыі прэс-сакратарка Міністэрства аховы здароўя Юлія Барадун.
Читайте также: «А, кстати, у меня коронавирус»: белорус, зараженный COVID-19, завел телеграм-канал. Посты там довольно забавные
Житель Минска жаловался на неочищенные тропинки к остановкам после снегопадов, но коммунальные службы среагировали лишь…
Детский лагерь «Звездный» в Полоцке разрушен и заброшен: районная газета прокомментировала ситуацию после нашего материала.
Жыхары Бабруйска паказалі ў TikTok вуліцы са снежнай «кашай» — камунальнікі пачысцілі не ўсе дарогі:…
Хлебозавод из Барановичей неожиданно сделал звездой TikTok Леонардо Ди Каприо. Ролик про торт «Медовая сласть»…
Брестчанин провел съемку рекламы авто в деревне Страдечь на заснеженном поле. Оказалось, оно было засеяно…
Грашовыя пераводы з іншых краін месяцамі не даходзяць да беларускіх калоній і СІЗА. Юрыстка «Вясны»…