Ён быў адным з аўтараў «Музыкальнай газеты», а пасля пераезду ў Польшчу аб’яднаў у Facebook-суполцы 28 тысяч беларусаў.
Ян Памедор Рэуцкі. Фота з сацсетак Яна Памедора Рэуцкага
У Варшаве памёр 50-гадовы берасцеец Ян Памедор Рэуцкі, сапраўднае імя якога — Сяргей Пархац. Пра яго смерць паведамілі сябры, «Наша Нiва» i MOST. Прычына і абставіны смерці пакуль невядомыя.
Чытайце таксама: Памёр святар Ігар Кандрацьеў. У 2020-м ён марыў дажыць да часу, калі Беларусь стане свабоднай
У канцы 1990-х і ў 2000-я гады Рэуцкі быў адным з аўтараў мінскай «Музыкальнай газеты» — выдання, якое пісала пра беларускую і сусветную музычную сцэну. У 2012 годзе ён пераехаў у Польшчу і пасяліўся ў Варшаве.
Там Рэуцкі стварыў Facebook-суполку «Беларусы ў Варшаве». Спачатку яна аб’ядноўвала каля 15 чалавек, якія дапамагалі адно аднаму вырашаць пытанні, што ўзнікалі пасля пераезду ў новую краіну. Да канца 2019 года колькасць удзельнікаў вырасла да пяці тысяч, а асабліва хутка суполка пачала расці пасля новай хвалі эміграцыі ў 2020 годзе. У выніку ў ёй сабраліся каля 28 тысяч чалавек.
Рэуцкі адміністраваў суполку ў вольны час. У Польшчы ён працаваў барыстам у кавярнях, а пазней адкрыў уласную. Ён прынцыпова размаўляў па-беларуску, а ў верасні ўвёў правіла, паводле якога допісы ў суполцы павінны былі публікавацца на беларускай мове.
12 кастрычніка Рэуцкі напісаў у Facebook, што шукае працу з панядзелка па пятніцу. Таксама паведамлялася, што апошнім часам ён шукаў пакупніка для суполкі, якую стварыў больш за дзесяць гадоў таму.
Чытайце таксама: Былы берасцейскi палітвязень Ціхан Клюкач загінуў на вайне ва Украіне
Польша и Литва ищут новые способы укрепить границы с Беларусью. В ход могут пойти не…
В последние годы местные чиновники регулярно рапортуют о вовлечении пустующих объектов в оборот и ликвидации…
Жительница Бреста после застолья начала выбрасывать посуду из окна. В результате пострадали две машины, а…
По версии следствия, беларусы отправляли табачные изделия в Литву и Польшу. Они заработали на этом…
В Беларуси создают реестр данных о питьевой воде. Смогут ли жители проверить ее качество?
Машинист Николай приехал в Чашникский район на уборку кукурузы, но столкнулся с неожиданной проблемой: в…