Жыхары Оршы раскрытыкавалі жартоўнае відэа раённай газеты і нагадалi пра рэальныя праблемы горада

Журналісты «Аршанскай газеты» вырашылі крэатыўна расказаць пра скаргу мясцовай жыхаркі на занадта высокую лаўку на прыпынку «Паліклініка №3». Для нагляднасці карэспандэнтка нават прынесла драбінкi і з iх дапамогай забралася на лаўку.

Чытайце таксама: «Чаму ў такім месцы няма нармальных умоў?» Закрыты туалет у парку Оршы ўзняў набалелую праблему

Газета падкрэсліла, што не замоўчвае праблемы, а расказвае пра іх «нават у крэатыўнай форме»

@orshanka.by «Аршанка» не замалчивает проблемы, а рассказывает о них и показывает… даже в креативной форме. В редакцию обратилась жительница г. Барани Любовь Исакович. Она рассказала, что скамейка на остановке «Поликлиника №3» в Орше (в сторону железнодорожного вокзала) очень высокая. На нее невозможно присесть. Мы съездили и проверили, так ли это. И действительно, человеку со средним ростом на нее хоть со стремянкой залезай. Надеемся, коммунальные службы обратят внимание на эту проблему и помогут ее решить. А нам интересно, такая высокая скамейка только на этой остановке? Напишите нам в комментариях. #новости_орши #оршанка_бай #белорусскийтикток #orshanka_by #скамейка ♬ оригинальный звук — orshanka.by «Аршанская газета»

У публікацыі рэдакцыя падкрэсліла, што не замоўчвае праблемы, а расказвае пра іх «нават у крэатыўнай форме». Таксама журналісты папрасілі падпісчыкаў напісаць, ці ёсць падобныя прыпынкі ў іншых раёнах горада.

Аднак замест абмеркавання вышыні лаўкі жыхары Оршы пачалі пералічваць праблемы, якія, на іх думку, заслугоўваюць значна большай увагі. Адны нагадалі пра сітуацыю з грамадскім транспартам:

• «Сапраўды вельмі «важная» праблема. А вось тое, што аўтобусы ходзяць па месяцовым календары — гэта не важна!»
• «Лепш пакажыце, як даехаць аўтобусам да 6-й паліклінікі. Дзве гадзіны будзеце чакаць аўтобус».
• «Дарэчы, «Аршанка», даведайцеся, калі ласка, па 18-м маршруце, чаму ён ходзіць па настроі. Ужо пісалі і не раз. У аўтапарку адзін адказ — няма кіроўцаў».

Сёння адзін клік ці падабайка могуць каштаваць занадта дорага. Гісторыя вашага браўзэра не павінна быць падставай для пераследу. BGlobal VPN. цалкам шыфруе ваш трафік. Заставайцеся ў бяспецы.

Спасылка на падключэнне BGlobal VPN – тут

Іншыя карыстальнікі звярнулі ўвагу, што сам прыпынак на відэа газеты прыносіць больш нязручнасцяў, чым вышыня лаўкі:

• «Што тычыцца лаўкі, то добрая лаўка і вышыня. А вось тое, што там вечна ў дождж стаіць лужа, вы не пішаце. Брызгі ляцяць прама ўнутр прыпынку, на лаўку. Атрымліваецца, у дождж не схавацца, абліе з ног да галавы».
• «Сапраўды, прыпынкі зусім не закрытыя, калі дождж, яны ніяк не дапамагаюць».
• «А яшчэ трэба звярнуць увагу, што яны ўсе, нашы прыпынкі, прадзіманыя. Зарабіць сабе боль у паясніцы лёгка. Сіфаніць з усіх шчылін. Ды і стан большасці жадае лепшага».

Некаторыя каментатары адзначылі, што праблема нязручных лавачак сапраўды існуе, але далёка не абмяжоўваецца адным прыпынкам:

• «На плошчы Сцяга таксама высокія лаўкі. У мяне рост 168 сантыметраў, але я нагамі зямлі не дацягваю».
• «Такая ж высокая лаўка на прыпынку «Дружба» каля дач у Лугаўцах. Сядзець вельмі нязручна».

Чытайце таксама: «Это лежанка для тех, кто долго ждет». Что не так с лавочкой на новой автобусной остановке в Пинске

Тэма публікацыі выглядае занадта дробнай на фоне гарадскіх праблем

Пры гэтым многія палічылі, што сама тэма публікацыі выглядае занадта дробнай на фоне гарадскіх праблем: «Ну праблема высмактана з пальца. Лаўка высокая — вы сур’ёзна? Ёсць дастаткова іншых, сапраўды важных праблем па горадзе».

У выніку абмеркаванне атрымалася паказальным. Раённая газета хацела прыцягнуць увагу да незвычайнай гарадской дэталі і падала гісторыю ў лёгкім фармаце. Але каментары хутка ператварыліся ў спіс прэтэнзій да грамадскага транспарту, стану прыпынкаў і гарадской інфраструктуры.

Атрымалася, што жарт пра драбінкi нечакана стаў падставай для куды больш сур’ёзнай размовы пра тое, што менавіта жыхары Оршы лічаць сапраўднымі праблемамі горада. І калі верыць рэакцыі падпісчыкаў, высокая лаўка ў гэтым спісе знаходзіцца далёка не на першым месцы.

Чытайце таксама: «Настолько обнищал»: жительница Орши опубликовала в соцсетях эмоциональный пост о состоянии железнодорожного узла