Падвалы ў старых дамах ператварыліся ў балоты, а камунальныя службы, паводле жыхароў, не рэагуюць нават пасля зваротаў і званкоў на 115.
Камунальнікі не даюць рады балотам у падвалах, ілюстрацыйнае фота
Жыхарка Гомеля запісала эмацыйны ролік, у якім паказала жахлівы стан падвалу ў доме на вуліцы Мележа. Трубы там цякуць, усярэдзіне сыра і смярдзіць, а жыхары першага паверха вымушаныя цярпець непрыссталытойны смурод і навалу насякомых. Звароты жанчыны ў камунальныя службы выніку не далі. Судзячы па каментарах пад відэа, гэта не асобны выпадак — аналагічныя праблемы ёсць у розных раёнах Гомеля і нават за яго межамі. BGmedia звярнула ўвагу, што праблема востра стаіць і ў Магілёве.
«Яфрэмава, дом 10 — тое самае: сырасць, вада з каналізацыйных труб, ніхто нічога не робіць, начальства толькі разводзіць рукамі», — скардзяцца жыхары Сяльмашаўскага мікрараёна Гомелю. З Юбілейнага мікрараёну таксама пішуць: «На Цімафеенка, 2 — ужо тры месяцы задыхаемся ад смуроду ў падвале». Іншыя далучаюцца з Савецкага раёну: «На Жукава, 14 таксама залівае падвал і ніхто нічога не робіць», «Праспект Рэчыцкі, 63 — тое самае: смурод у пад’ездзе, вада ў падвале, званілі ў 115 — нуль рэакцыі». Каментатары нават жартуюць: «Яшчэ не час трубы мяняць. Вось мароз стукне — тады і пачнуць. Тэхналогія новая!»
@katysha_durdyyeva♬ оригинальный звук — КатЯша-мАмАшА👩👦👦
Да гомельцаў далучыліся і магілёўцы. «Я не лезу ў палітыку, але так жыць нельга. Магілёў, праспект Шмідта, 48а. Прыйшла майстар і сказала, што ў падвал нікога не пусцяць, толькі фотаздымкі рамонту могуць паказаць — але рамонту няма!» — распавядае жыхарка Магілёву.
Відэа з жахлівымі падваламі з’явіліся і ў TikTok ад магілёўцаў. Людзі сцвярджаюць, што ні званкі на гарачую лінію 115, ні звароты ў ЖЭС не дапамагаюць. «У нас на Шмідта, 92 — тое самае», «На Куцепава вада стаіць», «На Няскораных дом пасля капрамонту, а падвал усё роўна ў вадзе» — пішуць у каментарах. Паводле іх слоў, ад камунальнікаў чуюць адно і тое ж: «У нас адзін сантэхнік, працаваць няма каму».
«Затое калі затрымаеш аплату кватэры хоць на месяц — адразу прылятаюць з паперамі: “Калі заплаціце?”» — абураецца яшчэ адзін каментатар.
Жыхары кажуць, што «падвальная» праблема закранула амаль усе дамы Магілёва, якія ўжо адслужылі свае 40–50 гадоў.
Чытаць таксама: «Вот такое творится»: жительница Борисова показала крысиный притон рядом со своим домом и пожаловалась на работу ЖКХ
Перед Пасхой жительница Бреста заметила скачок цен на мясо на Брестском центральном рынке. Проверка подтвердила:…
Брестские пограничники стремятся к тому, чтобы им на смену в определенной степени пришел искусственный интеллект,…
В Парохонске готовят бизнес-план форелевого хозяйства. Проект включен в программу развития Полесья до 2030 года.
У Мінску працягваюць прыбіраць трамвайныя шляхі на Старавіленскім тракце. Жыхары раёна б'юць трывогу праз магчымую…
Все березы были признаны «опасными», однако причины этого статуса различаются. Одну из них спилили из-за…
Новым обменником в центре города владеет небанковская кредитно-финансовая организация «Белинкассгрупп», которую создали в феврале 2018…