«Брахня і паказуха!» Людзі зняпраўдзілі сюжэт прапаганды пра шпіталь у Жыткавічах

Гомельскае тэлебачанне паказала сюжэт пра рамонт у Жыткавіцкім раённым шпіталі. У кадры ўсё выглядае ідэальна: «Ад неўралагічнага да стаматалагічнага аддзялення — у Жыткавіцкім шпіталі дапамога аказваецца па ўсіх напрамках». «Сучаснае абсталяванне дазваляе праводзіць лабараторныя даследаванні. Папулярнасцю карыстаецца камп’ютарная тамаграфія, якую адкрылі ў 2023 годзе. Штодня абслугоўваюць да 18 чалавек, а чарга не перавышае сямі дзён», — з энтузіязмам паведамілі прапагандысты.

Шпіталь наведаў намеснік старшыні Гомельскага аблвыканкама Дзмітрый Алейнікаў. Ён абвясціў пра планы пабудаваць арэнднае жытло для маладых спецыялістаў. Аднак менавіта ў гэтым жа раёне, як раней пісала BGmedia, маладую лекарку пасялілі ў дом без рамонту, газу і вады. Пасля скаргаў дзяўчыну ўсё адно прымусілі адпрацоўваць у тых умовах — нягледзячы нават на асабістую сустрэчу з Алейнікавым.

Чытаць таксама: Не закрытие, а оптимизация: в Беларуси массово исчезают сельские больницы

Пасля эфіру жыхары Жыткавіч накінуліся на прапагандыстаў у TikTok і літаральна разнеслі іх «ідылію». Людзі пішуць, што рэальнасць зусім іншая: «А чаго ж тэрапеўтычнае аддзяленне не паказалі, якое яно прыгожае?» — іранізуюць каментатары. «Асабліва першы паверх!» — дадаюць іншыя.

@tvr_gomel

Алейников посмотрел, как в Житковичской ЦРБ ремонтируется реанимационное отделение. Также зампредседателя Гомельского облисполкома провёл прием граждан, прямую телефонную линию и встретился с коллективом больницы. В рамках встречи с коллективом Алейников обсудил развитие здравоохранения в Житковичском районе. Планируется строительство арендного жилья для молодых специалистов. Все присутствующие смогли задать интересующие их вопросы. На встрече с активом соцсферы говорили о развитии системы образования района. Акцент — на вопросах эффективности работы с одаренными детьми. Заместитель председателя отметил, что у учреждений образования Житковщины большой потенциал и его нужно использовать по максимуму. Детально также рассмотрели вопрос организации питания школьников.

♬ оригинальный звук — НОВОСТИ БЕЛАРУСЬ

«Прыгожа толькі тое, што па тэлевізары паказваюць, — у жыцці ўсё разбіта і аблезлае», — абураюцца людзі. Ніхто не паверыў і ў «чаргу да сямі дзён» на КТ. «Вы гэта з галавы ўзялі? На КТ чарга тры месяцы, а на УЗІ — паўгода!» — сцвярджаюць мясцовыя. «Пра УЗІ кажуць, што трэба ехаць у Лельчыцы! Ахранелі!» — пішуць жыхары. «Якія сем дзён? Да тэрапеўта чарга месяц! Пакуль трапіш, забудзешся, што баліць», — дадаюць іншыя.

Некаторыя мяркуюць, што «спачатку зробяць рамонт, а потым усё зачыняць, як радзільню — і будуць адпраўляць у Мазыр». «Да гінеколага талоны распісаны да студзеня!», — паведамляюць жанчыны. «МРТ — у Мазыры, дыяліз — у Петрыкаве, нараджаць — у Гомелі», — апісваюць мясцовую «сістэму» меддапамогі.

«Гэта, відаць, пра іншыя Жыткавічы, не пра нашыя», — жартуюць людзі. Іншыя не хаваюць абурэння: «Брахня і паказуха! Ганьба! Такога падману я яшчэ не бачыў!»

Журналісты BGmedia неаднаразова звярталі ўвагу на праблемы беларускай медыцыны. Па ўсёй краіне зачыняюцца шпіталі ў невялікіх гарадах, радзільні і ФАПы ператвараюцца ў «лякарні на колах», якія прыязджаюць раз на тыдзень. Хварэць, атрымліваецца, можна толькі «па раскладзе». Да гэтага дадаецца недахоп лекараў, перабоі праз санкцыі з імпартнымі лекамі і брак сродкаў на нармальныя шпіталі ў невялікіх гарадах.

Чытаць таксама: «Сцены ёсць — і дзякуй»: як маладую лекарку пакідаюць у вёсцы без умоў