Мінкульт заявіў, што не можа аднавіць ахоўны статус згарэлай царквы ў Сцяпанках праз адсутнасць архіўных матэрыялаў пра помнік.
Церковь с Степанках в Жабинковском районе
У Міністэрстве культуры Беларусі патлумачылі, чаму Свята-Міхайлаўскую царкву ў вёсцы Сцяпанкі Жабінкаўскага раёна, якая згарэла летам 2025 года, выключылі з Дзяржаўнага спіса гісторыка-культурных каштоўнасцей.
Чытайце таксама: Згарэлая царква ў Сцяпанках страціла статус помніка. Эксперты бачаць у гэтым небяспечны прэцэдэнт
Паводле ведамства, галоўнай перашкодай для яе навуковай рэстаўрацыі стала не толькі практычна поўнае знішчэнне будынка агнём, але і адсутнасць неабходных архіўных матэрыялаў.
У ліпені 2026 года царкву XVII–XIX стагоддзяў афіцыйна пазбавілі статусу гісторыка-культурнай каштоўнасці.
У адказе Міністэрства культуры адзначаецца, што ў дзяржаўных архівах няма матэрыялаў, якія дазволілі б аднавіць храм у адпаведнасці з навуковымі прынцыпамі.
«Дэтальная фотафіксацыя аб’екта (экстэр’еру і інтэр’ера), праектная дакументацыя і іншыя матэрыялы, якія маглі б даць поўнае і дакладнае ўяўленне аб царкве (на падставе якіх можна зрабіць навуковую, а не гіпатэтычную рэстаўрацыю аб’екта), у архівах Рэспублікі Беларусь адсутнічаюць», — паведамілі ў Міністэрстве культуры.
У ведамстве прыйшлі да высновы, што аднавіць святыню ў яе гістарычным выглядзе немагчыма.
Пры гэтым сітуацыя выклікае новыя пытанні адносна захаванасці архіўнай спадчыны.
У 1970–1980-я гады падчас падрыхтоўкі шматтомнага выдання «Збор помнікаў гісторыі і культуры Беларусі» супрацоўнікі Акадэміі навук даследавалі больш за 14 тысяч гісторыка-культурных аб’ектаў. Гэтая праца суправаджалася стварэннем вялікага масіву фотаздымкаў, чарцяжоў, планаў, пашпартоў і іншых палявых матэрыялаў.
Дзе цяпер знаходзяцца гэтыя архівы і чаму яны аказаліся недаступнымі для сучасных рэстаўратараў, пакуль невядома.
Паводле інфармацыі аўтараў даследавання, існуюць чуткі, што гэтыя матэрыялы былі страчаныя яшчэ ў першыя гады незалежнасці Беларусі. Каб праверыць гэтую інфармацыю, ужо накіраваны афіцыйны запыт у Нацыянальную акадэмію навук Беларусі.
Свята-Міхайлаўская царква была ўзведзена каля 1780 года і лічылася адным з найлепш захаваных узораў заходнепалескага драўлянага дойлідства з элементамі барока.
Даследчыкі неаднаразова называлі яе адным з найбольш каштоўных помнікаў беларускай сакральнай архітэктуры. Акрамя таго, храм разглядаўся як адзін з магчымых кандыдатаў для ўключэння ў Спіс сусветнай спадчыны ЮНЕСКА.
Пажар адбыўся ў ліпені 2025 года.
Паводле афіцыйнай версіі, прычынай стала кароткае замыканне электраправодкі. Паведамлялася, што падчас рамонтна-аднаўленчых работ да сеткі адначасова падключылі некалькі энергаёмістых электрапрыбораў, што і прывяло да ўзгарання.
Пасля пажару мясцовыя ўлады паведамілі пра намер расчысціць тэрыторыю і распрацаваць праект новага будынка, які з’явіцца на месцы страчанай святыні.
Чытайце таксама: Дом, дзе Караткевіч пісаў «Каласы пад сярпом тваім», разбураецца. Музей абяцалі яшчэ сем гадоў таму
После скандала с пассажиром с инвалидностью жители потребовали оценить публикацию ТВ «Пинск». В ответ горисполком…
У Слуцкім раёне асуджаных прыцягнулі да грамадска карысных работ у ААТ «Ісерна». Улады ўсё часцей…
Стандартный павильон здесь не помещается по нормам, поэтому коммунальщики обещают изготовить конструкцию нестандартной формы.
В Бресте открыли две спортивные площадки. Но вместо восторга многие жители высмеяли очередное «ленточное» мероприятие.
Территория находится в микрорайоне Волынка, на южной окраине Бреста, недалеко от реки Мухавец и Варшавского…
У Чэрыкаве і Дрыбіне ўвесь грамадскі транспарт працуе толькі па-расейску. Улады спаслаліся на закон і…