У Гомелі ў аддзеле выпечкі сеткавай крамы пакупнікі пабачылі прусакоў

У вядомай сеткавай краме «Суседзі» ў Гомелі заўважылі прусакоў. Яны былі ў аддзеле выпечкі.

Чытайце таксама: «Гэта трэш!»: Жыхарка Кобрына паскардзілася на якасць малака ад «Мінскай маркі»

На відэа, якім падзялілася мясцовая жыхарка ў TikTok, відаць, што прусака запяклі разам з булкамі.

«Гэта гамон… Гэта прусак, рабяты! Мы зрабілі бургеры (ці хотдогі), а тут прусак. Булкі для іх куплялі ў “Суседзях”. Гэта піпец», — адзначае аўтарка відэа.

@_darinabrows_ Булки для хот догов с тараканами…пздц#беларусь#гомель#магазинсоседи#магазин#еда ♬ оригинальный звук — Darina

Як адрэагавалі беларусы

У каментарах пад відэа беларускія карыстальнікі здзівіліся, што на вырабніцтвах дагэтуль не здолелі пазбавіцца ад прусакоў:

«Падвойнае начынне… Як магчыма ў наш час не вывесці прусакоў? У 90-я гады я працавала на дробнай пякарні. Першы раз зайшла — шарахалася. Там, дзе вісеў кран для палівання хлеба, яны проста кішэлі ў печы. Пазней, калі з’явіліся спецыяльныя шпрыцы з атрутай для прусакоў, імі намазалі і яны зніклі. А зараз ёсць розныя сродкі, няўжо нельга іх пратруціць?», — задаюцца пытаннем людзі.

Некаторыя беларусы пажартавалі з самой сітуацыі:

• «У Кітаі б сказалі, а чаго ён адзін».
• «Прусак быў да гатоўнасці. А пасля выпечкі проста разынкі».
• «Нічога дзіўнага. Гэта бялок».
• «Усё паводле дзяржстандарту! Бургер з прусакамі».

Нагадаем, што падобную праблему заўважылі ў адным з «Еўраоптаў» Віцебска. Па словах аднаго з карыстальнікаў, які працаваў у гэтай краме на працягу пяці гадоў, пацукі і птушкі ў зале былі абсалютнай нормай для супрацоўнікаў. Яшчэ адна віцяблянка сцвярджае, што па гатовай прадукцыі ў супермаркеце «натоўпамі» бегаюць пацукі.

Чытайце таксама: У малацэ ад «Малочнага свету» заўважылі чорны асадак на дне