Жыхары завулка ў Маладзечне дамагліся сустрэчы з чыноўнікамі, каб вырашыць пытанне з асфальтаваннем

У Залінейным мікрараёне Маладзечна жыхары 1-га Сухога завулка сабраліся на сустрэчу з прадстаўнікамі Дзяржкантролю і камунальных службаў раёна. У выніку канкрэтных тэрмінаў асфальтавання завулка на гэтай сустрэчы чыноўнікі не назвалі.

Чытайце таксама: Дарога ў Маладзечна пасля скаргі ў TikTok — ямы засыпалі бітай цэглай

Апошнія земляныя працы праводзілі ў 2003 годзе. З тых часоў жыхары чакаюць асфальт

Ініцыятарам сустрэчы быў Аляксандр. Менавіта ён у мінулым годзе сабраў 56 подпісаў жыхароў пад зваротам з просьбай пакласці асфальт на 1-м Сухім завулку.

«Праблема гэтая ўзнікла не ў гэтым і нават не ў мінулым годзе. На гэтай вуліцы праведзены ўсе камунікацыі: вада, сеткі аптавалаконныя, газ. Апошнія земляныя працы праводзілі ў 2003 годзе. З тых часоў і чакаюць мясцовыя асфальт. А па факце максімум раз на год грэйдар пусцяць і ўсё», — патлумачыў мужчына.

Каля дамоў №82 і 84 сабраліся людзі рознага узросту і чарговы раз абмеркавалі нязручнасці праз тое, што завулак не заасфальтаваны. «У дождж не пройдзеш, а ў спякоту вокны не адчыніш», — патлумачылі яны.

Сегодня один клик или лайк могут стоить слишком дорого. История вашего браузера не должна быть поводом для преследований. BGlobal VPN. полностью шифрует ваш трафик. Оставайтесь в безопасности.

Ссылка на подключение BGlobal VPN – здесь

У сухую пагоду падымаецца пыл ад аўтамабіляў, якія праязджаюць. Журналісты kraj.by пераканаліся ў гэтым асабіста.

«А яму як перасоўвацца па гразі і ямах?» — ківаюць прысутныя на мужчыну, у якога няма адной нагі.

Кіроўцы на пытанне журналіста пра тое, як зберагчы ад паломак аўтамабіль, адказваюць, што аб’язджаюць свой завулак па бліжэйшых дарогах пакрытых асфальтам.

Да абмеркавання праблемы далучыўся і Генадзь, які пражывае на вуліцы Полацкай, што ідзе за 1-м Сухім завулкам. Мужчына паказаў чыноўнікам перапіску наконт асфальту на ягонай вуліцы. Што ў ёй было, журналісты не распавялі.

«Ой, гэтая дарога наогул жахлівая», — падтрымалі мужчыну яго суседзі.

Чытайце таксама: «С 2008 года жалобы». В Молодечно в доме, где обрушились козырьки, установили новые, но главные проблемы не решили

Што адказалi жыхарам 1-га Сухога завулка прадстаўнікі камунальнай арганізацыі

Прадстаўнікі камунальнай арганізацыі паабяцалі Генадзю, што заасфальтаваць частку вуліцы, якая засталася без цвёрдага пакрыцця, плануюць у гэтым годзе.

Канкрэтных тэрмінаў асфальтавання 1-га Сухога завулка на гэтай сустрэчы чыноўнікі не назвалі. У план на пяцігодку паабяцалі ўключыць, а ці будуць праводзіць працы ў гэтым, наступным ці нейкім іншым годзе, пабяцалі паведаміць дадаткова.

А камунальнікі паабяцалі пакуль падтрымліваць дарогу ў нарматыўным стане, які забяспечыць бяспечны праезд транспарту.

На сайце ЖКП Маладзечанскага раёна пазначана, што асфальтаванне ўчастка вуліцы Полацкай запланавана ў 3–4 квартале гэтага года. Там укладуць 1,8 тысячы квадратных метраў асфальту.

Чытайце таксама: В Кобрине нашли переулок, где по документам лежит асфальт, а на самом деле там грунтовая дорога с ямами