«Без каментароў». Берасцейцы адказалі, ці спаткаліся б з жанчынай падчас авуляцыі

Нядаўна ў прамым эфіры польскага тэлебачання ўсе прысутныя палітыкі не змаглі адказаць на пытанне, чым менструацыя адрозніваецца ад авуляцыі падчас размовы пра неабходнасць заняткаў па ахове здароўя і сэксуальнага жыцця. Некаторыя з іх маюць жонак і дзяцей. Па назіраннях тэлевядоўцы Магдалены Пернэт, гэты выпадак падкрэсліў важнасць такіх заняткаў.

Авуляцыя — гэта працэс вызвалення спелай яйцаклеткі з яечніка. Ён мае вялікае значэнне для планавання дзяцей, бо ў гэты перыяд самая высокая імавернасць зацяжарыць.

Неабходнасць лепшай адукацыі па тэме здароўя чалавека падкрэслівае новы трэнд у TikTok: на вуліцах розных гарадоў у мужчын пытаюцца, ці сталі б яны спаткацца з жанчынай падчас авуляцыі. Такая апытанка дайшла і да Брэста.

@slivkiby_brest♬ оригинальный звук — slivkiby_brest

Частка дарослых мужчын дала адмоўны адказ на пастаўленае пытанне. І часцей за ўсё — ад няведання таго, што гэта такое. Маладыя хлопцы таксама не ведалі, што гэта, і далі адмоўныя адказы на гэты конт. Былі і тыя, хто без ваганняў даў сцвярджаючы адказ. Магчыма, таму што ведаюць, што гэта за працэс у жаночым арганізме.

Вось, як на відэа адрэагавалі карыстальнікі TikTok:

• «А если у девушки эволюция? Или инфляция?»
• «Почему это не рассказывают в школе? Это должен знать каждый человек… У нас в школе добавили уроки «для девочек». Мальчиков выгоняют из кабинета, рассказывают только девочкам и стыдят нас за это».
• «Неужели трудно спросить, что это, если ты не знаешь, что это?»
• «Нужно скорее вводить половое воспитание в школах и школу для будущих пап!»

Таксама сустрэліся і іншыя меркаванні на гэтую тэму:

• «Люди, я вам больше скажу: многие женщины живут и не знают собственный организм, и про овуляцию в том числе».

Многія меркаванні пад відэа аб’ядноўвае непрыняцце цяперашняй сітуацыі, дзе некаторыя беларусы не ведаюць пра важны біялагічны працэс у целе жанчыны, неабходны для зачацця і здаровага цыклу.

Чытайце таксама: Хатні гвалт у Беларусі: чаму дзяржава хавае лічбы?