У Багданаўцы чыноўнікі разам з БРСМ зладзілі пампезны мітынг дзеля адкрыцця звычайнай таблічкі з QR-кодам. Не абышлося без аўтаматаў Калашнікава.
Урачысты мітынг на адкрыццё таблічкі з QR-кодам. Фота: "Лунінецкія навіны"
Па ўсёй краіне у рамках праекта «Лічбавая зорка» ад БРСМ адкрываюць таблічкі з QR-кодам каля розных помнікаў. На сёння адкрыццё звычайнай таблічкі не абыходзіцца «без помпы»: гэтым разам такое святкаванне адбылося ў Лунінецкім раёне у аграгарадку Багданаўка.
Чытайце таксама: В Бресте открытие таблички с QR-кодом превратили в показуху с чиновниками, священником и школьниками в стойке смирно
Дырэктар мясцовай сярэдняй школы Алена Ярмольчык выступіла з прывітальным словам, а вучні навучальнай установы распавялі прысутным пра гісторыю Багданаўкі і стварэнне мемарыяла, піша выданне «Лунінецкія навіны».
На адкрыцці таблічкі з QR-кодам прысутнічалі пракурор Лунінецкага раёна Юрый Пракапчук і першы сакратар райкама ГА «БРСМ» Вікторыя Шчур. Удзельнікі мерапрыемства ўсклалі да помніка кветкі і вянкі.
Звяртаючыся да прысутных, Юрый Пракапчук адзначыў, што дзякуючы такой таблічцы кожны ахвотны зможа падрабязней даведацца пра падзеі, якія адбываліся на Лунінеччыне ў 1941–1945 гадах.
Пры гэтым пракурор нагадаў пра расследаванне, якое вядзе Генеральная пракуратура Беларусі па фактах «генацыду беларускага народа» ў гады вайны і ў пасляваенны перыяд. Паводле следства, працягваюць адкрывацца новыя сведчанні пра злачынствы нацыстаў, якія масава знішчалі жыхароў Беларусі варварскімі метадамі.
«Па планах гітлераўцаў, 75% мясцовага насельніцтва павінны былі ліквідаваць, астатніх — выкарыстаць як рабоў», — адзначаюць у мясцовай газеце. Але не ўдакладняюць, ці згадваў пракурор пра нацыянальнае паходжанне забітых жыхароў краіны (большасць гарадскога насельніцтва краіны складалі габрэі – рэд. BGmedia).
Пасля афіцыйных прамоў дарослыя і дзеці ўсклалі кветкі і ўшанавалі памяць хвілінай маўчання. А двум падлеткам, якія стаялі каля помніка, чамусьці ўручылі аўтаматы Калашнікава (АК-74) — навошта гэта было на школьным мерапрыемстве, так ніхто і не патлумачыў.
Чытайце таксама: Память под протокол: в Гродно провели митинг из-за таблички с QR-кодом
На ўездзе ў Вілейку з’явіўся танк у гонар вызвалення горада ў Другую сусветную вайну. Аднак…
В Пирониме шесть пустующих домов отдают по 45 рублей. Еще дешевле на бумаге — старинные…
ГАИ объяснила закрытие пешеходных переходов на Гоголя подготовкой к учебному году. Брестчане ответ не оценили…
Райгазета падзякавала дарожнаму прадпрыемству за абнаўленне пакрыцця каля школы, аднак цвёрдае пакрыццё там прадугледжана санітарнымі…
Беларускіх кіроўцаў разварочваюць яшчэ да пункта пропуску. Расейскія памежнікі пацвердзілі падзенне беспілотніка каля КПП. Гэта…
З 2027 года з пераліку зон радыеактыўнага забруджвання выключаць 177 населеных пунктаў. Вынікаў замераў улады…