Пасля сітуацыі на вуліцы Герцэна віцебскія чыноўнікі загадзя папярэджваюць аб высечцы дрэў і кампенсацыйных пасадках

У Віцебску працягваецца рэканструкцыя цеплавых сетак, у межах якой у розных раёнах горада прыходзіцца высякаць дрэвы і кустарнікі. Пасля вясновай хвалі абмеркаванняў у сацсетках і тлумачэнняў ад «Віцебскэнерга», калі жыхары скардзіліся на спілаваныя насаджэнні на вуліцы Герцэна, улады і камунальныя службы вырашылі загадзя публікаваць інфармацыю пра новыя работы і кампенсацыйныя пасадкі.

Чытайце таксама: У Віцебску на вуліцы Герцэна спілавалі дрэвы. «Віцебскэнерга» адказала, што гэта дзеля цяпла ў кватэрах зімой

У Першамайскім раёне знікне 10 дрэў, 20 пагонных метраў кустарніка

Як паведамляюць «Вiцьбiчы», на гэты раз у Першамайскім раёне плануецца рэканструкцыя ўчастка цеплатрасы на вуліцы Воінаў-Інтэрнацыяналістаў. Падчас работ у зону будаўніцтва трапляюць 10 дрэў, 20 пагонных метраў кустарніка ў выглядзе жывой агароджы і каля 3 655 квадратных метраў газону. Усё гэта знікне.

Згодна з рашэннем гарвыканкама, пасля завяршэння работ арганізацыя павінна правесці кампенсацыйныя пасадкі: 22 туі і 60 пагонных метраў кустарніка. Новыя насаджэнні плануюць высадзіць на тэрыторыі школы №16 імя Дружыніна на вуліцы 7-й Лучэцкай.

Сегодня один клик или лайк могут стоить слишком дорого. История вашего браузера не должна быть поводом для преследований. BGlobal VPN. полностью шифрует ваш трафик. Оставайтесь в безопасности.

Ссылка на подключение BGlobal VPN – здесь 

У дакументах падкрэсліваецца, што ўсе работы павінны праводзіцца па ўзгодненай схеме і завяршыцца да ўводу аб’екта ў эксплуатацыю.

На фоне спрэчак у сярэдзiне траўня вакол вырубкі дрэў на вуліцы Герцэна, калі «Віцебскэнерга» тлумачыла неабходнасць работ абслугоўваннем цепласетак і патрабаваннямі бяспекі, новыя паведамленні ўжо ўспрымаюцца як спроба больш празрыста інфармаваць жыхароў пра будучыя змены ў гарадской зялёнай інфраструктуры.

Чытайце таксама: «Неяк не па сабе, асабліва ў гадзіну пік». Стан моста Блахіна трывожыць віцебчукоў, а чыноўнікі маўчаць

Жыхары Віцебску былі незадаволеныя высечкай дрэў на вуліцы Герцэна

Нагадаем, у адным з навінавых паблікаў Віцебска абмяркоўвалi вырубку дрэў на вуліцы Герцэна ўздоўж цеплатрасы.

«Вось так у нас на Герцэна: адны дрэвы пад корань. Як так можна! Вось так мы клапоцімся пра азеляненне горада. Усё пад корань дзеля нейкіх труб, і то на паверхні зямлі, і, судзячы па крыжыках, яшчэ другую частку спілуюць. Як адміністрацыя раёна наогул можа такое дапускаць? Гэтыя дрэвы растуць даўжэй, чым вы жывяце. Хутка наогул усё спілуюць, і будуць каменныя джунглі, і дыхаць няма чым будзе», — напісаў у групе мясцовы жыхар.

На сітуацыю адрэагавалі ў «Віцебскэнерга». Паводле слоў спецыялістаў, у гэтым раёне рэалізуюць важны і тэхнічна складаны праект па рэканструкцыі цеплавой сеткі. Працягласць участка — 755 метраў. Гэта неабходная мера: старыя трубы патрабуюць замены, каб зімой у дамах жыхароў Віцебска было стабільна цёпла.

«Работы вядуцца ў строгай адпаведнасці з праектнай дакументацыяй і дазволамі Віцебскага гарвыканкама. Важным аспектам рэалізацыі праекта стала расчыстка ахоўнай зоны цеплавых сетак ад дрэў і кустоў, якая праводзіцца ў строгай адпаведнасці з праектнай дакументацыяй.

Знаходжанне расліннасці непасрэдна над цеплатрасай не толькі парушае правілы эксплуатацыі сетак, але і робіць немагчымым правядзенне іх экстраннага рамонту або планавай замены. Замест аб’ектаў расліннага свету, якія выдаляюцца, будуць высаджаны кампенсацыйныя пасадкі: 140 дрэў, 23 дэкаратыўныя кусты», — тлумачыў «Віцебскэнерга».

Чытайце таксама: «Затое на суботніках як красуюцца». Віцебскія чыноўнікі апамяталіся пасля відэа пра добраўпарадкаванне Юбілейнага моста